Брзото јадење може да доведе до прејадување, зголемување на тежината и обезност. Ова е затоа што на мозокот му треба време за да ги процесира сигналите за ситост, а брзите јадачи може да внесат многу повеќе калории отколку што им се потребни. Дополнително, брзото јадење е поврзано со други здравствени проблеми како што се инсулинска резистенција, тип 2 дијабетес и метаболички синдром. Забавувањето на јадењето и внимателното јадење може да ги намалат овие ризици и да го подобрат варењето и задоволството од храната.
Во оваа статија:
Може да доведе до прејадување
Во денешницата, луѓето често јадат брзо бидејќи се постојано во брзање.
Меѓутоа, на мозокот му треба време за да ги обработи сигналите за ситост (1). Всушност, може да потрае и до 20 минути за вашиот мозок да сфати дека сте сити.
Кога јадете брзо, многу е полесно да јадете многу повеќе храна отколку што вашето тело навистина треба. Со текот на времето, прекумерниот внес на калории може да доведе до зголемување на тежината.
Една студија кај деца откри дека 60% од оние кои јаделе брзо, исто така, се прејадувале. Брзите јадачи исто така биле 3 пати повеќе склони кон прекумерна тежина (2).
Поврзано е со зголемен ризик од обезност
Обезноста (прекумерната дебелината) е еден од најголемите здравствени проблеми ширум светот. Тоа е сложена болест која не е само предизвикана од лоша исхрана, неактивност или недостиг на волја.
Всушност, сложените фактори на животната средина и животниот стил имаат голема улога (3).
На пример, брзото јадење е истражувано како потенцијален фактор на ризик за станување обезен и значително зголемување на телесната тежина (4, 5, 6, 7, 8).
Еден неодамнешен преглед на 23 студии откри дека оние јкои јадат брзо било приближно два пати поверојатно да бидат дебели, во споредба со оние кои јадат бавно (9).
Може да доведе до други здравствени проблеми
Брзото јадење не само што го зголемува вашиот ризик од развивање на прекумерна тежина и обезност, туку е поврзано и со други здравствени проблеми, вклучувајќи:
- Инсулинска резистенција. Брзото јадење е поврзано со поголем ризик од инсулинска резистенција, која се карактеризира со високо ниво на шеќер во крвта и инсулин. Тоа е белег на тип 2 дијабет и метаболички синдром (10, 11, 12).
- Тип 2 дијабет. Брзото јадење е поврзано со поголем ризик од тип 2 дијабет. Една студија откри дека оние кои јадат брзо биле со зголемен ризик за 2,5 пати да ја добијат болеста во споредба со оние кои јадат бавно (13, 14).
- Метаболички синдром. Брзото јадење и поврзаното зголемување на тежината може да го зголеми вашиот ризик од метаболички синдром, група на фактори на ризик кои можат да го зголемат вашиот ризик од дијабетес и срцеви болести (15, 16).
- Лошо варење на храната. Оние кои јадат брзо често пријавуваат лошо варење на храната како последица на брзото јадење. Ова се случува бидејќи најчесто тие земаат поголеми залци и да ја џвакаат својата храна помалку, што може да влијае на варењето.
- Помала сатисфакција. Луѓето кои јадат брзо обично ја оценуваат својата храна како помалку пријатна во споредба со бавните јадачи. Ова можеби не е здравствен проблем сам по себе, но сепак е важно (17).
Како да го забавите вашето јадење
Јадењето побавно може има различни здравствени придобивки.
Може да ги зголеми вашите нивоа на хормони за ситост, да ви помогне да се чувствувате повеќе сити и да го намали вашиот внес на калории (1, 17).
Исто така го подобрува вашето варење и задоволство од храната.
Ако сакате да јадете побавно, еве неколку техники кои можете да ги пробате:
- Не јадете пред екрани. Јадењето пред телевизор, компјутер, смартфон или друг уред може да ве натера да јадете брзо и без размислување. Исто така често се случува да не знаете колку сте изеле бидејќи вниманието ви било на екранот.
- Ставете ја вилушката на маса помеѓу секој залак. Ова ви помага да забавите и да уживате во секој залак повеќе.
- Не чекајте додека сте премногу гладни. Избегнувајте да сте екстремно гладни помеѓу оброците. Тоа може да ве натера да јадете пребрзо и да правите лоши одлуки за храната.
- Пијте вода. Пиењето вода за време на оброкот ќе ви помогне да се чувствувате сити и ќе ве поттикне да забавите со јадењето.
- Џвакајте темелно. Џвакајте ја вашата храна повеќе пред да ја голтнете. Може да ви помогне да броите колку пати го џвакате секој залак. Целете секој залак да го џвакате 20-30 пати.
- Јадете храна богата со влакна. Храната богата со влакна како овошје и зеленчук не само што е многу заситувачка, туку и треба подолго време да се џвака.
- Земајте мали залци. Земањето помали залци може да ви помогне да го забавите темпото на јадење и да направите вашиот оброк да трае подолго.
- Јадете со внимание. Основниот принцип зад јадењето со внимание е да обрнете внимание на храната што ја јадете. Некои од гореспоменатите вежби се практикуваат при внимателно јадење.
Како и сите нови навики, јадењето побавно бара пракса и трпение. Почнете со само еден од горенаведените совети и развивајте ја навиката од таму.
Заклучок
Брзото јадење е вообичаена практика во денешниот брз свет. Иако може да ви заштеди неколку минути за време на оброците, исто така го зголемува ризикот од различни здравствени проблеми, вклучувајќи обезност и тип 2 дијабет.
Ако губење на тежина е вашата цел, брзото јадење може да го попречи вашиот напредок. Јадењето побавно, од друга страна, може да обезбеди моќни придобивки — затоа забавете и уживајте во секој залак.