Beyond Фитнес Агол

Може да ви помогне да изгубите килограми или да ја одржите посакуваната тежина

Неколку истражувања го поврзале краткото спиење (помалку од 7 часа навечер) со зголемен ризик за зголемување на тежината и поголем BMI (Body Mass Index). (2, 3, 4)

Всушност една анализа во 2020 год. открила дека возрасните кои спијат помалку од 7 часа навечер имаат за 41% зголемен ризик да станат обезни (прекумерна телесна тежина), а пак спиењето подолго немало зголемување на ризикот. (5)

Недостатокот на сон го зголемува нивото на грелин (хормон кој прави да се чувствуваме гладни), а намалува нивото на лептин (хормон кој прави да се чувстуваме сити). Ова може да направи да се чувствуваме гладни и да јадеме повеќе. (6)

Може да ви ја подобри концентрацијата и продуктивноста

Спиењето е исто така многу важни за разни мозочни функции како што се сознанието, концентрацијата и продуктивноста, а сите овие се негативни афектирани кога не сме добро наспани. (7, 8, 9)

Едно истражување направено врз доктори кои прекувремено работеле покажало дека докторите со средно, високо и многу високо ниво на недостаток на сон пријавувале значителни клинички грешки 54%, 96% и 97% од времето. (10)

Адекватното спиење исто така ги подобрува академските перформанси кај децата, адолесцентите и тинејџерите (11, 12, 13, 14)

Може да ви го подобри атлетскиот перформанс

Бројни истражувања покажале дека спиењето ги подобрува моторните способности, времето на реакција, мускулната сила, мускулната издржливост и способноста за решавање проблеми. (14, 15, 16)

Спиењето помалку исто така може и да ви ја намали мотивацијата за вежбање како и да го зголеми ризикот од повреда. (17)

Може да ви го подобри срцето

Спиењето малку и неквалитетно го зголемува ризикот од срцеви заболувања. (17, 18, 19)

Една анализа на 19 истражувања покажала дека ризикот за смрт од срцеви заболувања е зголемен за 13% кај луѓе кои спијат помалку од 7 часа. (20)

Друга анализа покажала дека споредбено со 7 часа сон, секој час помалку го зголемува ризикот за смрт за 6% од срцеви заболувања. (21)

Краткото спиење исто така го зголемува ризикот и за зголемен крвен притисок. (22)

Го подобрува метаболизирањето на шеќери и влијае на тип 2 дијабет

Краткото спиење е поврзано со зголемен ризик за развивање на тип 2 дијабет и отпорност на инсулин. (23)

Една анализа на 36 истражувања во кои учествувале преку 1 милион испитаници покажала дека спиењето 5 часа или помалку го зголемува ризикот за тип 2 дијабет за 48%, а спиењето 6 часа или помалку го зголемува ризикот за тип 2 дијабет за 18%. (24)

Слабото спиење е поврзано со депресија

Депресијата како психички проблем е строго поврзана со краткото спиење како и со различни нарушувања во спиењето. (25, 26, 27)

Едно истражување во кое учествувале 2672 испитаници покажало дека оние со анкциозност и депресија имале неквалитетен сон споредбено со оние кои не биле анкциозни и депресивни. (27)

Други истражувања покажале дека луѓето кои страдаат од несоница пријавувале депресивност во поголем процент отколку оние кои немале нарушување во спиењето. (28, 29)

Го подобрува имуниот систем

Недоволното спиење го ослабува имуниот систем. (30, 31)

Едно истражување во кое испитаниците спиеле помалку од 5 часа преку ноќ покажало дека ризикот за настинка бил зголемен за 4.5 пати споредбено со оние кои спиеле повеќе од 7 часа. (32)

Друго истражување покажало дека спиењето доволно преку ноќ го подобрува одговорот на имуниот систем со антитела при вакцинирање со вакцини за грип. (33)

Лошото спиење е поврзано со зголемено воспалување

Спиењето игра голема улога во нашиот нервен систем. Особено во системот кој е одговорен за менаџирање на стресот познат како симпатички нервен систем и хипоталамус-хипофиза-надбубрежната жлезда. (34)

Намалената количина на спиење, особено нарушеното спиење, ги активира патеките кои сигнализираат на воспаленија и ги зголемува непосакуваните маркери како што е ЦРП. (35, 36)

Ги подобрува емоциите и социјалните итеракции

Недостатокот на спиење влијае врз регулирањето на емоциите и социјалните интеракции.

Кога сме уморни, потешко можеме да се спречиме самите од реагирање од наплив на емоции и потешко го контролираме нашето однесување пред други луѓе. Уморот исто така може да влијае врз нашата смисла за хумор и емпатија. (37, 38)

Исто така оние кои имаат недостаток во спиењето почесто се повлекуваат од дружби и социјални собири при што се чувстуваат осамено. (39)

Недостатокот на спиење може да е многу опасно

Кога сме уморни, нашите рефлекси, концентрација и време на реакција се намалени. Всушност големиот недостаток на спиење е блиску до конзумирање на висок процент на алкохол.

Едно истражување од 2018-та година покажало дека луѓето кои спиеле 6 часа имале за 1.3 пати поголема шанса да предизвикаат сообраќајна незгода. Луѓето кои спиеле 5 часа имале за 1.9 пати поголема шанса да предизвикаат сообраќајна незгода. Луѓето кои спиеле 4 часа имале за 2.9 пати поголема шанса да предизвикаат сообраќајна незгода. Луѓето кои спиеле помалку од 4 часа имале за 15.1 пати поголема шанса да предизвикаат сообраќајна незгода. (40)