Beyond Фитнес Агол

Аеробното вежбање е активност која ги активира големите мускулни групи и ја активира работата на срцето при што се испумпува повеќе крв. Овој вид на вежбање е познат и како кардио активност, пример за аеробни актовности се:

• брзо одење
• пливање
• трчање
• возење велосипед итн.

Докторите препорачуваат 150 минути аеробна активност со среден интензитет или 75 минути аеробна активност со силен интензитет неделно. Брзото одење и пливањето се аеробни активности со среден интензитет, а трчањето и возењето велосипед се со силен интензитет.

За да дознаете зошто аеробната активност ја препорачуваат многу доктори продолжете со читање на текстов.

Го подобрува здравјето на кардиоваскуларниот систем

Аеробното вежбање се препорачува за луѓе кои имаат срцеви заболувања или имаат зголемен ризик за срцеви заболувања бидејќи овој начин на вежбање го зајакнува срцето со тоа што му помага поефикасно да пумпа крв низ целото тело.

Аеробните вежби помагаат и со намалување на крвниот притисок и ги чистат артериите со зголемување на добриот холестерол и намалување на лошиот холестерол во крвта.

Помага при регулирањето на шеќер во крвта

Редовното вежбање помага со регулирањето на инсулинот и нивоата на шеќер во крвта, а воедно помага и со одржување на здрава телесна тежина.

Едно истражување направено на луѓе со тип 2 дијабетис покажало дека било каква форма на движење има позитивен ефект и помага да се намали шеќерот во крвта (1).

Ги намалува симптомите на астма

Аеробното вежбање може да им помогне на луѓето кои имаат астма со намалување на силината и фреквенцијата на симптомите (2).

Пред да се одлучите да почнете со аеробни тренинзи, консултирајте се со вашиот доктор бидејќи ќе ви даде добар совет за специфична аеробна активност која ќе биде безбедна за вашето здравје.

Ја намалува хроничната болка

Доколку имате хронична болка во грбот, аербното вежбање како што е пливањето и аква аеробикот можат да ви ја вратат функционалноста на грбните мускули и да ја намалат болката (3).

Вежбањето исто така ќе ви помогне да ги намалите вишокот килограми што може да ви ја намали хроничната болка уште повеќе.

Го подобрува спиењето

Доколку имате проблеми со заспивање навечер, пробајте аеробно вежбање.

Едно истражување направено врз луѓе кои имале хронични проблеми со спиењето покажало дека редовното вежбање комбинирано со вежби за правилно спиење е ефективен третман за несоница (4).

Ја регулира телесната тежина

Аеробното вежбање може да ви помогне да го намалите вишокот килограми и да задржите здрава телесна тежина.

Една студија во која учествувале испитаници со прекумерна телесна тежина кои продолжиле со конзумирање на истата храна како и претходно, но почнале со вежби кои согоруваат 400 до 600 калории, 5 пати неделно со времетраење од 10 месеци. Резултатите покажале дека испитаниците успеале да намалат од 4.3% до 5.7% од почетната телесна тежина (5).

Го подобрува имунитетот

Едно истражување во кое биле испитувани жени со активен и пасивен животен стил покажало дека редовното аеробно вежбање го зголемило присуството на одредени антитела во крвта наречени имуноглобулини додека пак оние со пасивен животен стил не покажале никаква промена освен во нивоата на стрес хормонот кортизол кои биле повисоки од активната група (6).

Ја подобрува функционалноста на мозокот

Нашиот мозок почнува да губи од неговото ткиво после 30тата година. Научниците откриле дека аербните вежби го успоруваат овој процес и ја подобруваат функционалноста на мозокот.

За да се провери ова, 55 постари луѓе пратиле MRI (магнетна резонанца) скенови на испитување. Откако ги испратиле скеновите, испитаниците биле тестирани, а во тестирањето биле вклучени: проценка на нивното здравје и аеробниот фитнес. Испитаниците кои биле најфит имале најмало намалување во неколку зони од мозокот (7).

Го подобрува расположението

Една студија направена врз луѓе кои биле во депресија покажала дека со одење на подвижна лента во интервали по 30 минути успеало да им се промени расположението после 10 дена (8).

Го намалува ризикот од паѓање

Еден од три лица постари од 65 години паѓаат секоја година што најчесто резултира со скршеници и долгорочни повреди или хендикеп. Вежбањето може да помогне со намалување на ризикот од паѓање без разлика на возраста.

Едно истражување направено на жени меѓу 72 и 87 години кои вежбале аеробни танци покажало дека ризикот од паѓање значително се намалил бидејќи им се подобрила рамнотежата и агилноста. Жените во истражувањето вежбале по еден час, три пати неделно, 12 недели. На крајот од истражувањето, жените кои биле во групата која вежба имале многу подобри резултати од оние кои биле во групата која не вежба (9).