Многу често наидуваме на огласи кои ветуваат дека доколку ја купите нивната програма ќе успеете да дојдете до посакуваната форма за многу кратко време.
Вистината е дека нема точно одредено време што е потребно за да станете фит. Времетраењето ќе зависи највеќе од вашите цели (намалување вишок килограми, зголемување мускулна маса итн.), типот на тренинг (аеробик, теретана, пливање итн.), нивото на подготвеност пред почнување со вежби и посветеноста на поединецот.
Времетраење во зависност од целта и нивото на спремност
Колку време ќе ви биде потребно за да станете фит ќе зависи од вашата главна цел. Доколку вашата цел е да се натпреварувате на фитнес натпревари, а претходно сте немале некоја значителна физичка активност ќе биде потребно подолго време за да ја постигнете целта. Од друга страна, доколку вашата цел е да почнете со намалување на вишокот килограми и да се чувствувате подобро тогаш може да забележите резултати и за две недели.
Тип и фреквенција на тренинг
Времетраењето ќе зависи и од тоа каква активност ќе изберете и колку често ќе одите на тренинг во текот на седимицата. Доколку изберете да одите еднаш или два пати неделно на било која активност, ќе ви треба повеќе време за да дојдете до посакуваните резултати. Најбрзо видливи резултати се постигнуваат со три до четири пати неделно вежбање во теретана со едуциран тренер кој ќе ви направи тренинг план и план за исхрана според вашата главна цел.
Посветеност
Најважниот фактор е вашата посветеност. Доколку не сте редовни на тренинзите или пак не го следите планот за исхрана ќе ви треба многу повеќе време за да станете фит. Пробајте да се придржувате до советите кои ќе ви ги даде тренерот и не прескокнувајте тренинзи. Редовното вежбање има огромни придобивки за вашиот изглед, расположение и здравје па затоа треба сите да практикуваме некоја физичка активност барем 3 пати неделно.
2 Replies to “Колку време е потребно за да станете фит”