Најчести грешки што ги правиме кога сакаме да го намалиме вишокот килограми се:
- Премногу фокусирање на бројката на вагата
- Внесување премногу или премалку калории
- Премногу вежбање или не вежбање воопшто
- Избегнување на вежби со тежина
- Внесување само „диетални“ продукти или продукти со ниска масленост
- Внесување на премалку протеини
- Внесување на премалку растителни влакна
Намалувањето на вишокот килограми е често тешко за многу од нас. Понекогаш и покрај здравиот начин на живот и здравите животни одлуки кои ги правите секојдневно, резултатите кои ги постигнувате се далеку од она што сте сакале да го постигнете.
Најверојатно причина за таквите резултати е следењето на неточни или застарени совети и методи кои прават потешко да го намалите вишокот килограми. Еве седум најчести грешки што ги правиме кога сакаме да го намалиме вишокот килограми.
Премногу фокусирање на бројката на вагата
Често се случува да чувствувате како да не губите доволно килограми и покрај тоа што живеете здраво.
Важно е да запамтите дека бројката која вагата ви ја покажува е само еден начин да се провери промената на тежина. Тежината е под влијание на повеќе фактори вклучувајќи ја и промената на течностите и храната во телото. Всушност вашата тежина може да се менува од 900 г. до 1800 г. во текот на неколку денови во зависност од тоа колку храна и течности сте конзумирале (1).
Исто така и хормонските промени кај жените може да доведат до поголемо задржување на вода (2).
Освен поради задржување на вода, бројката на вагата може да не се менува бидејќи намалувате маснотии, но зголемувате мускулна маса. Кога ќе се случи ова, облеката може да ја чувствувате поширока особено околу струкот иако вагата уште покажува иста тежина.
Внесување премногу или премалку калории
За да ги намалите вишокот килограми треба да внесувате помалку калории односно да направите калоричен дефицит. Тоа значи дека треба да трошите повеќе калории отколку што внесувате секој ден. Иако ова е одамна познато, многу од нас неправилно ги пресметуваат потрошените калории и внесените калории. Доколку не е точна пресметката, лесно може да се згреши и да се внесе повеќе калории од потрошените со што би се зголемила тежината.
Од друга страна, внесувањето на премалку калории може да биде контрапродуктивно. Неколку студии направени врз испитаници кои внесувале нискокалорични диети покажале дека може да дојде до губење на мускулна маса и значително успорување на метаболизмот (, 4).
Премногу вежбање или не вежбање воопшто
Прекумерното вежбање може да предизвика проблеми доколку сакате да ги намалите вишокот килограми. Неколку истражувања покажале дека прекумерното вежбање е неодржливо на долгорочен период за поголемиот дел од луѓето и може да предизвика несакан стрес со што негативно ќе влијае врз ендокриниот систем и хормоните кои тој ги создава што помагаат со регулирање на многу функции во нашето тело (5, 6, 7).
Од друга страна, доколку не вежбате воопшто кога сакате да ги намалите вишокот килограми и внесувате помалку калории ќе се намали вашата мускулна маса, а со тоа ќе се успори и метаболизмот. Оптимално е да имате добар тренинг план како и добар план на исхрана за да ги намалите вишокот на килограми правилно без да изгубите мускулна маса бидејќи што поголема чиста мускулна маса имате во вашето тело толку полесно е да ги намалите вишокот килограми, да ја постигнете посакуваната тежина и да ја одржите истата (8, 9).
Избегнување на вежби со тежина
Тренинзите со тегови го забрзуваат процесот на намалување на вишокот килограми. Неколку студии покажауваат дека вежбањето со тежина е една од најефикасните стратегии за зголемување на мускулна маса и зголемување на метаболизмот. Исто така е добар начин да се зголеми силата и физичката функционалност како и да го забрза процесот на намалување масти околу стомакот (10, 11, 12, 13).
Внесување само „диетални“ продукти или продукти со ниска масленост
Процесираните производи со ниска масленост или „диеталните“ продукти често се сметаат за здрав избор кои може да ви помогне да ги намалите вишокот килограми, но може да имаат и обратен ефект.
Голем број од овие производи се преполни со шеќер за да се подобри вкусот. На пример, пакување од 170 грама со ниско маслен јогурт со вкус може да содржи 23,5 грама шеќер што е еднакво на 4 супени лажици (14).
Ниско маслените продукти исто така може да направат да се чувствувате погладни и поради тоа да внесете повеќе храна во текот на денот од што му е потребно на вашето тело.
Наместо овие видови на храна, држете се до комбинација од нутритивни продукти кои се минимално процесирани. Кога можете внесувајте овошје и зеленчук (вклучувајќи и конзервирани и замрзнати) бидејќи се природно со ниска масленост а воедно и полни со нутриенти.
Внесување на премалку протеини
Внесувањето доволно протеини е важно доколку сакате да ги намалите вишокот килограми. Всушност внесувањето на протеини помага при намалувањето на килограмите на неколку начини како што се намалување на апетитот, зголемување на чувството на најаденост, одржување или забрзување на метаболизмот и заштита на мускулната маса (15, , 17).
Внесување на премалку растителни влакна
Диета која има премалку растителни влакна може да лоша за намалување на телесната тежина, но и за здравјето (18).
Неколку истражувања покажале дека некои видови на растителни влакна помагаат при намалување на апетитот со креирање на гел кој задржува вода. Овој гел се движи полека низ дигестивниот систем што придонесува да се чувствувате полни. Внесување на вискозни растителни влакна помага да ја намалите телесната тежина дури и доколку не внимавате на калориите според едно истражување (19).